წესები და პირობები
საგარანტიო პირობები
1 დან 10 წლამდე პროდუქტების მიხედვით
საგარანტიო მომსახურება, რომლის პირობები და ვადები დადგენილია მწარმოებლის მიერ, განისაზღვრება პროდუქციის ჯგუფებისა და გამოყენებული მასალების მიხედვით. მაგალითად: კერამიკას 10 წელი, პლასმასის ნაწარმს 2 წელი, მეტალის აქსესუარებს 2-5 წელი, აკრილის აბაზანებს 7 წელი და ა.შ. საგარანტიო მომსახურების მისაღებად არ გჭირდებათ ჩეკის და ყუთის შენახვა. თქვენი შეძენა ავტომატურად ფიქსირდება ბაზაში, რაც ნიშნავს, რომ საგარანტიო პერიოდში, გარანტიით სარგებლობა შეგიძლიათ ნებისმიერ დროს, მხოლოდ თქვენი სახელი და შესყიდვის დეტალები საკმარისია.
საგარანტიო ვადები
| პროდუქციის ჯგუფი | საგარანტიო ვადა |
|---|---|
| კერამიკა | 10 წელი |
| ჩასაშენებელი ცისტერნის სისტემები | 10 წელი |
| აკრილის აბაზანები | 7 წელი |
| ჯაკუზი | 7 წელი |
| აკრილის ქვესადგამი | 7 წელი |
| ხელსაბნის, სამზარეულოსა და ბიდეს შემრევები | 7 წელი |
| საშხაპე, ჩასაშენებელი და იატაკზე სამაგრი შემრევები | 4 წელი |
| ხელის შხაპი, შხაპის თავი და ჰიგიენური შხაპი | 4 წელი |
| მეტალის აქსესუარები | 2-5 წელი |
| პლასმასის ნაწარმი | 2 წელი |
| ტრაპი | 2 წელი |
| V-Care საფარი და საშხაპე სისტემები მასაჟორით ან მის გარეშე | 2 წელი |
| სარკეები | 1 წელი |
| კარადა (ავეჯი) | 1 წელი |
| ჩამრეცხი ღილაკი | 1 წელი |
| უნიტაზის საფარი, უნიტაზისა და პისუარის ელექტრონული ჩამრეცხი და ელექტრონული შემრევი | 1 წელი |
კონკრეტული პროდუქტის ვადა მის გვერდზე, VitrA Warranty-ის ბარათზეა მითითებული.
როგორ ვისარგებლოთ გარანტიით
დაგვიკავშირდით ტელეფონით (0322 30 70 90), WhatsApp-ით ან ელფოსტით (info@vitra.com.ge), ან მობრძანდით შოურუმში და გვითხარით თქვენი სახელი და შესყიდვის დეტალები. რა შემთხვევებს მოიცავს გარანტია, ჩვენი გუნდი დაგიზუსტებთ.
რას ფარავს გარანტია
- პროდუქტის ან მასალის დეფექტი: ხარვეზი, რომელიც გამოწვეულია პროდუქტის დამზადების პროცესში დაშვებული შეცდომით, გამოყენებული მასალის ხარისხობრივი დეფექტით ან პროდუქტის კონსტრუქციული ხარვეზით.
- ნორმალური და დანიშნულებისამებრ გამოყენებისას გამოვლენილი ფუნქციური ხარვეზი: როდესაც მომხმარებელი პროდუქტს სწორად და მისი დანიშნულების შესაბამისად იყენებს, თუმცა პროდუქტი ვერ ასრულებს მისთვის განკუთვნილ ფუნქციას ან ვლინდება ისეთი ხარვეზი, რომელიც მომხმარებლის მიერ არ არის გამოწვეული.
რას არ ფარავს გარანტია
- არასწორი მონტაჟი: თუ მონტაჟი ჩვენი გუნდის მიერ არ შესრულებულა და დაზიანება არასწორ მონტაჟს უკავშირდება.
- არასწორი ან არადანიშნულებისამებრ გამოყენება: პროდუქტის არასწორი ან მისი დანიშნულების შეუსაბამო გამოყენებით გამოწვეული დაზიანება.
- შეუსაბამო ან აგრესიული ქიმიური ნივთიერებები: პროდუქტის ზედაპირზე ან შიგნით ქიმიური ნივთიერებებისა და ხსნარების გამოყენებით გამოწვეული დაზიანება.
- მექანიკური დაზიანება ან არასწორი მოპყრობა: დარტყმით, მექანიკური დაზიანებით ან არასწორი მოპყრობით გამოწვეული პრობლემა.
- ბუნებრივი ცვეთა: პროდუქტის ბუნებრივი ცვეთით გამოწვეული ცვლილება ან დაზიანება.
- თვითნებური შეკეთება, დაშლა ან გადაკეთება: მომხმარებლის ან მესამე პირის მიერ პროდუქტის თვითნებური შეკეთებით, დაშლით ან გადაკეთებით გამოწვეული პრობლემა.
- მოვლისა და ექსპლუატაციის წესების დარღვევა: პროდუქტის მოვლისა და ექსპლუატაციის წესების დარღვევით გამოწვეული დაზიანება.
- ფილტრის არარსებობა: სანტექნიკურ მოწყობილობებზე გარანტია არ მოქმედებს, თუ ცენტრალურ მილზე არ არის დაყენებული ფილტრი და არც ფილტრიანი შუალედური ონკანებია გამოყენებული.
საგარანტიო მომსახურება
- ქარხნული დეფექტი პირველ შვიდ სამუშაო დღეში: თუ ნივთს შეძენიდან 7 სამუშაო დღის ვადაში აღმოაჩნდა ქარხნული დეფექტი, შეცვლის მიზნით მომხმარებელმა იგი მაღაზიაში უნდა წარადგინოს სრული კომპლექტაციით და დაზიანების გარეშე.
- უფასო შეკეთება: საგარანტიო მომსახურება გულისხმობს ნივთის უფასო შეკეთებას და მოიცავს როგორც სამუშაოს, ისე სათადარიგო ნაწილების ღირებულებას.
- დეტალის შეკვეთის ვადა: დაზიანებული დეტალის შეკვეთას, ჩამოტანასა და შეცვლას შეიძლება დასჭირდეს შესაკეთებელი ნივთის მაღაზიაში წარდგენიდან 20-დან 45 სამუშაო დღემდე.