ინოვაციური გადაწყვეტები აბაზანისთვის
VitrA Clean
ზედაპირი, რომელსაც ჭუჭყი არ ეკიდება
VitrA Clean — წარმოების ეტაპზე დატანილი წყლის მომგერიებელი ზედაპირი, რომელიც კერამიკის მოვლას ამარტივებს და მის სისუფთავეს დიდხანს ინარჩუნებს.
- 3პროდუქტის ტიპი: ხელსაბანი, უნიტაზი და ბიდე
- ქარხნულიფენა წარმოებისას დაიტანება და ზედაპირს ერწყმის
- უხილავიარ ცვლის ფერს, ბზინვარებასა და დიზაინს
ნახეთ, როგორ მუშაობს
მოკლედ
- ზედაპირი სპეციალური დამუშავებით
- ჭუჭყის და წყლის მარტივი მოშორება.
- მუდმივად სუფთა.
- მცირე რაოდენობის პროდუქტი, ჰიგიენაზე ზრუნვისთვის.
- საცხოვრებელი და კომერციული გარემოსთვის იდეალური.
რა არის VitrA Clean?
VitrA Clean არის სპეციალური ზედაპირის ტექნოლოგია, რომელიც კერამიკის მთელ ზედაპირს წყლის მომგერიებელი ფენით ფარავს. ასეთ ზედაპირზე წყალი, მათ შორის ჭუჭყიანი, თხელ ფენად არ იფინება, ამიტომ ჭუჭყი კერამიკას ძნელად ეკიდება, ხოლო ზედაპირი უფრო ადვილად იწმინდება და ესთეტიკურ იერს დიდხანს ინარჩუნებს. ტექნოლოგია VitrA-ს ინოვაციების გუნდმა შეიმუშავა. მისი დატანა შესაძლებელია ხელსაბანებზე, უნიტაზებსა და ბიდეებზე — პროდუქტის ფერისა და მოდელის მიუხედავად. ფენა წარმოების პროცესში ერწყმის ზედაპირს, ამიტომ ყოველდღიურ მოვლას ამარტივებს და ძლიერი საწმენდი ქიმიკატების საჭიროებასაც ამცირებს.
როგორ მუშაობს VitrA Clean?
ჩვეულებრივ კერამიკულ ზედაპირზე წყლის წვეთები იფინება, დროთა განმავლობაში კი ზედაპირს ჭუჭყი, კირის ნადები და საპნის ნარჩენები ეკიდება. VitrA Clean წყალს ზედაპირზე თხელ ფენად გაფენის საშუალებას არ აძლევს: წვეთები არ იფინება და სფერულ ფორმას ინარჩუნებს. დახრილ ზედაპირზე ისინი სიმძიმის ძალით ჩამოგორდება და თან ზედაპირზე არსებულ ჭუჭყსაც მიიყოლებს — ასე იქმნება თვითწმენდის მსგავსი ეფექტი. შედეგად, წმენდა უფრო სწრაფი და ნაკლებად შრომატევადი ხდება.
ხანგრძლივი დაცვა
VitrA Clean-ის ფენა წარმოების პროცესში ედება კერამიკას და პროდუქტის სტრუქტურის ნაწილი ხდება. გამძლე სტრუქტურის წყალობით ის თავის თვისებებს მრავალი წლის განმავლობაში ინარჩუნებს, მათ შორის იმ სივრცეებშიც, სადაც აბაზანა ყველაზე ინტენსიურად გამოიყენება. ხშირად გამოყენებულ კერამიკაზე — ხელსაბანზე, უნიტაზსა და ბიდეზე — ტექნოლოგია წმენდას ამარტივებს, ზედაპირს ნაკლები მოვლა სჭირდება და აბაზანით სარგებლობაც უფრო სასიამოვნო ხდება. ტექნოლოგია უხილავია: ის არ ცვლის პროდუქტის ფერს, ბზინვარებასა და დიზაინს.
როგორ მოვუაროთ VitrA Clean-ის ზედაპირს
VitrA Clean-ის ზედაპირის სისუფთავისთვის საკმარისია, ის რბილი, ნოტიო ტილოთი და, საჭიროების შემთხვევაში, რბილი საწმენდი საშუალებით გაწმინდოთ. ზედაპირის თვისებების შესანარჩუნებლად ნუ გამოიყენებთ მყარ, აბრაზიულ ღრუბლებს და აბრაზიულ ფხვნილოვან საწმენდ საშუალებებს. ასეთი მარტივი მოვლა აბაზანას ყოველთვის მოწესრიგებულ იერს უნარჩუნებს. VitrA-ს მსგავსი ტექნოლოგია ფილებზეც არსებობს: VitrA Clean 2.0 კედლისა და იატაკის ფილებს ადვილად მოსავლელს ხდის.
VitrA Clean-ის უპირატესობები
VitrA Clean ყოველდღიურ მოვლას რამდენიმე მიმართულებით ამარტივებს:
- ზედაპირს წყალი და ჭუჭყი არ ეკიდება.
- წმენდა უფრო მარტივი და პრაქტიკული ხდება.
- მცირდება ძლიერი საწმენდი ქიმიკატების საჭიროება.
- ზედაპირზე ნაკლებად გროვდება კირის ნადები და საპნის ნარჩენები.
- კერამიკა სისუფთავესა და ესთეტიკურ იერს უფრო დიდხანს ინარჩუნებს.
- ინტენსიური გამოყენების პირობებშიც დიდხანს ინარჩუნებს თვისებებს.
ხშირად დასმული კითხვები
რომელ პროდუქტებზე გამოიყენება VitrA Clean?
VitrA Clean არის ზედაპირის ტექნოლოგია, რომლის დატანა შესაძლებელია VitrA-ს კერამიკულ პროდუქტებზე — ხელსაბანებზე, უნიტაზებსა და ბიდეებზე. იმის შესახებ, აქვს თუ არა კონკრეტულ პროდუქტს ეს ტექნოლოგია, ინფორმაციას პროდუქტის გვერდზე ნახავთ.
ამცირებს თუ არა VitrA Clean წმენდის სიხშირეს?
რადგან ზედაპირს ჭუჭყი და წყალი ნაკლებად ეკიდება, VitrA Clean წმენდას ამარტივებს და ზედაპირი სუფთა იერს უფრო დიდხანს ინარჩუნებს.
კარგავს თუ არა VitrA Clean დროთა განმავლობაში თავის ეფექტს?
არა. წარმოების ეტაპზე კერამიკულ ზედაპირთან შერწყმული გამძლე სტრუქტურის წყალობით, ის ყველაზე ინტენსიური გამოყენების პირობებშიც მრავალი წლის განმავლობაში ინარჩუნებს თვისებებს.
ცვლის თუ არა VitrA Clean პროდუქტის იერს?
არა. ტექნოლოგია კერამიკაზე უხილავად დაიტანება და პროდუქტის ფერს, ბზინვარებასა და დიზაინს არ ცვლის.
რით განსხვავდება VitrA Clean VitrA Hygiene-ისგან?
VitrA Clean ზედაპირზე წყლისა და ჭუჭყის მიკვრას უშლის ხელს და წმენდას ამარტივებს. VitrA Hygiene კი სპეციალური ჭიქურია, რომელიც კერამიკულ ზედაპირზე ბაქტერიების გამრავლებას უშლის ხელს.
როგორ მოვუაროთ VitrA Clean-ის ზედაპირს?
ზედაპირი რბილი, ნოტიო ტილოთი გაწმინდეთ, საჭიროების შემთხვევაში — რბილი საწმენდი საშუალებით. ნუ გამოიყენებთ მყარ, აბრაზიულ ღრუბლებს და აბრაზიულ ფხვნილოვან საწმენდ საშუალებებს.
არსებობს თუ არა VitrA Clean ფილებისთვის?
დიახ. VitrA Clean 2.0 VitrA-ს ფილების ზედაპირის ტექნოლოგიაა, რომელიც კედლისა და იატაკის ფილებს ადვილად მოსავლელს ხდის: მათი გაწმენდა ნოტიო ტილოთი, საჭიროების შემთხვევაში კი რბილი საწმენდი საშუალებით შეიძლება.
პროდუქცია VitrA Clean ტექნოლოგიით
121 პროდუქტი
