VitrA Touch-free

VitrA-ს ავტომატური სახურავი ხელის შეხების გარეშე იხსნება და იხურება, რაც ინფექციის გადაცემის რისკს ამცირებს. ის V-Care Smart Panel-თან ერთად მუშაობს: პანელი მომხმარებლის მოახლოებას აფიქსირებს და სახურავი წინასწარ აიწევა. ავტომატურ რეჟიმში სახურავი მომხმარებლის წასვლის შემდეგ, ჩარეცხვამდე იხურება – ასე ჰაერში მიკრობებიანი წვეთები არ ვრცელდება და უნიტაზი შემდეგი მომხმარებლისთვის სუფთა რჩება. სახურავი ჰიგიენური დუროპლასტისგან მზადდება, ენერგიას მართვის პანელიდან იღებს და დამატებით გაყვანილობას არ საჭიროებს. IP44 კლასი მას მტვრისა და შხეფებისგან იცავს, 200 000 გახსნა-დახურვის ტესტი კი უპრობლემო მუშაობას ყველაზე ინტენსიური გამოყენებისასაც ადასტურებს.

VitrA-ს სენსორული შემრევი საზოგადოებრივ სივრცეებში ჰიგიენას აუმჯობესებს და ინფექციის გადაცემის რისკს ამცირებს. ინფრაწითელი სენსორი ხელის მცირე მოძრაობასაც აღიქვამს და წყალს უშვებს, ხოლო როგორც კი ხელს სენსორს მოაშორებთ, ნაკადს თავად წყვეტს – ასე წყალი ტყუილად აღარ იხარჯება. სენსორული შემრევები ელემენტებით ან Powerbox-ით იკვებება, IP68 სტანდარტის წყალგაუმტარი გაყვანილობა კი სრულ უსაფრთხოებას უზრუნველყოფს. Powerbox ელექტროენერგიას თავად წყლის ნაკადიდან გამოიმუშავებს და ხუთამდე სენსორულ შემრევს კვებავს, რაც ენერგიასაც ზოგავს.

VitrA-ს სენსორული ბიდის ფუნქცია საზოგადოებრივ საპირფარეშოებში პირად ჰიგიენას ისე უზრუნველყოფს, რომ ონკანს ხელით შეხება არ სჭირდება, ინფექციის გადაცემის რისკი კი მცირდება. ფუნქციას ჩაშენებული სენსორი მართავს. შემთხვევით ჩართვას გამორიცხავს მართვის პანელის სენსორი, რომელიც სისტემას მხოლოდ მაშინ ამოქმედებს, როცა მომხმარებელი უნიტაზზე ზის. ელექტროენერგიის გათიშვისას ბიდე არ გაჩერდება: V-Care Smart Panel ათამდე გამოყენებისთვის საკმარის ენერგიას იძლევა. ეს გადაწყვეტა განსაკუთრებით ფასეულია იქ, სადაც ერთი საპირფარეშოთი დღის განმავლობაში ბევრი ადამიანი სარგებლობს.

VitrA-ს სენსორული თხევადი საპნის დისპენსერი საზოგადოებრივ საპირფარეშოებში ჰიგიენას აუმჯობესებს და ინფექციის გადაცემის რისკს ამცირებს: საპონი ხელის მიტანისთანავე მიეწოდება და დისპენსერს შეხება არ სჭირდება. არჩევანში ჩასაშენებელი და ზედაპირზე დასადგმელი მოდელებია, რომლებიც ელექტროქსელიდან ან ელემენტებით იკვებება. IP68 სტანდარტის წყალგაუმტარი გაყვანილობა მათ სრულიად უსაფრთხოს ხდის. ერთლიტრიანი ავზის ერთი შევსება საშუალოდ 650 გამოყენებას ჰყოფნის, ამიტომ დისპენსერი ხშირ შევსებას არ საჭიროებს და დატვირთულ სივრცეებშიც კომფორტულია. სენსორულ შემრევთან ერთად ის ხელის დაბანის მთელ პროცესს შეხების გარეშე ხდის.