სიახლეები

წარმოიდგინეთ სააბაზანო, სადაც ადგილი ოპტიმალურადაა ათვისებული, და სადაც ყოველი დეტალი ხელს უწყობს მშვიდ და ორგანიზებულ გარემოს შექმნას, როგორი სივრცე გიდგებათ თვალწინ?

ამ იდეალური სივრცის შექმნა შესაძლებელია გონივრულად შერჩეული ავეჯით - იქნება ეს მრავალფუნქციური თაროები, ადგილის დამზოგავი სვეტები, განათებული სარკეები თუ ინოვაციური კარადები ინტეგრირებული ხელსაბანებით.

თუკი ჯერ კიდევ ფიქრობთ, როგორ შეარჩიოთ იდეალური სააბაზანოს ავეჯი, რომელიც სივრცეს მოერგება, დიზაინს ჰარმონიულად შეერწყმება და ფუნქციურობას არ დაკარგავს, მაშინ სანტექნიკის პროდუქტების მაღაზია ,,ვიტრა” გირჩევთ შურუმში სტუმრობამდე განსაზღვროთ გარკვეული ეტაპები 

სივრცის ოპტიმიზაცია: როგორ მოვარგოთ ავეჯი სააბაზანოს

სააბაზანოს ავეჯის შერჩევამდე აუცილებელია სივრცის ზუსტი შეფასება. დაიწყეთ ოთახის ზომების აღებით. გამოიყენეთ საზომი ლენტი და ჩაინიშნეთ სიგრძე, სიგანე და სიმაღლე. გაზომეთ კარი, ფანჯრები და მანძილი კედლებს შორის, სადაც ავეჯის განთავსებას გეგმავთ. ეს მონაცემები დაგეხმარებათ შეარჩიოთ ავეჯი, რომელიც ოპტიმალურად მოერგება თქვენს სივრცეს.

შემდეგ ეტაპზე შეაფასეთ განათება. განსაზღვრეთ ბუნებრივი და ხელოვნური განათების წყაროები. შეამოწმეთ განათების დონე დღის სხვადასხვა მონაკვეთში. ეს ინფორმაცია მნიშვნელოვანია სარკეებისა და კარადების ოპტიმალური განლაგებისთვის.

ყურადღებით შეისწავლეთ წყალგაყვანილობა. დააფიქსირეთ ყველა მილის, ონკანისა და კანალიზაციის გამოსასვლელის ადგილმდებარეობა. ეს განსაკუთრებით მნიშვნელოვანი დეტალია თუ აპირებთ დააყენოთ კარადა ხელსაბანით, რადგან მაღალი გარჩევადობა აუცილებელია. 

სასარგებლო იქნება სააბაზანოს მარტივი ნახაზის ან სქემის შექმნა სადაც მითითებული იქნება ყველა ზემოხსენებული დეტალი. ამ მეთოდის გამოყენებით თქვენ დაგეგმავთ განლაგებას, სად განათავსებთ კარადას ხელსაბანით, სარკეს და ა.შ. თუ გიჭირთ ხელით ნახაზის შექმნა, შეგიძლიათ გამოიყენოთ სპეციალური სმარტფონის აპლიკაციები ოთახის სამგანზომილებიანი მოდელის შესაქმნელად.

სააბაზანოს ავეჯის შერჩევა: ოთხი მთავარი კრიტერიუმი ხანგრძლივი ექსპლუატაციისთვის

რეზისტენტულობა წყლის, ორთქლისა და ტენის მიმართ

სააბაზანო მუდმივად მაღალი ტენიანობის გარემოა, ამიტომ ავეჯის ნესტგამძლეობა და ტენმედეგობა მნიშვნელოვანია. შეარჩიეთ მასალები, რომლებიც სპეციალურად შექმნილია ასეთი გარემოსთვის. Ნესტამგძლე MDF ეკონომიური არჩევანია, რომელიც კარგად უძლებს ტენს. ზედაპირი დაფარულია სპეციალური ფენით, რომელიც წყლის შეღწევისგან იცავს. 

პოლივინილქლორიდი სინთეტიკური მასალაა, რომელიც სრულიად წყალგაუმტარია და იდეალურია მაღალი ტენიანობის გარემოსთვის. მეტალი, განსაკუთრებით კი უჟანგავი ფოლადი ან ალუმინი, ასევე კარგ არჩევანს წარმოადგენს, თუმცა წინასწარ დარწმუნდით, რომ დაფარულია ანტიკოროზიული საფარით.

ეცადეთ შეარჩიოთ ავეჯი ამაღლებული ფეხებით ეს შეამცირებს წყალთან უშუალო კონტაქტს და ვენტილაციას გააუმჯობესებს.

კომპაქტურობა: ეფექტური გადაწყვეტები მცირე სივრცისთვის

სააბაზანოების მასშტაბები ხშირად შეზღუდულია, ამიტომ მნიშვნელოვანია ავეჯის გონივრული განლაგება. კედელზე დასამაგრებელი თაროები საშუალებას გაძლევთ გამოიყენოთ ვერტიკალური სივრცე, რაც არა მხოლოდ ზოგავს იატაკის ფართობს, არამედ ვიზუალურად ზრდის ოთახს. ამასთანავე, დაკიდებული კარადები, რომლებიც არ ეხება იატაკს, ქმნის ფართო სივრცის ილუზიას და აადვილებს დასუფთავებას.

მრავალფუნქციური ავეჯი, მაგალითად, აბაზანის სარკე კარადით ან ხელსაბანის კარადა ჩაშენებული სათავსოთი, ეფექტურად ითვისებს შეზღუდულ სივრცეს. ვერტიკალური სვეტები იდეალურია კუთხეებისათვის და მაქსიმალურად იყენებს ჭერის სიმაღლეს.

ფუნქციონალურობა: პრაქტიკული დიზაინი ყოველდღიური გამოყენებისთვის

სააბაზანოს ავეჯი უნდა იყოს არა მხოლოდ მიმზიდველი, არამედ პრაქტიკულიც. უნდა უზრუნველყოფდეს საკმარის სივრცეს პირადი ნივთებისა და ჰიგიენური საშუალებების განსათავსებლად. ინტეგრირებული ორგანაიზერები საშუალებას გაძლევთ ეფექტურად დაალაგოთ სხვადასხვა ზომის ნივთები. მრავალდონიანი უჯრები კი მაქსიმალურად იყენებს ვერტიკალურ სივრცეს და ზრდის შენახვის შესაძლებლობებს.

ერგონომიკა: კომფორტი ოჯახის ყველა წევრისთვის

ავეჯი ოჯახის ყველა წევრისთვის მოსახერხებელი და გამოსაყენებლად კომფორტული უნდა იყოს. ხელსაბანის სიმაღლე უნდა იყოს პრაქტიკული როგორც მოზრდილებისთვის, ისე ბავშვებისთვის. 

თაროები და უჯრები უნდა იყოს ადვილად ხელმისაწვდომი. ხშირად გამოყენებადი ნივთები მოათავსეთ აბაზანის სვეტი-კარადის ქვედა დონეზე, ხოლო იშვიათად გამოყენებადი - ზედა თაროებზე. კარადის კარები უნდა იღებოდეს ისე, რომ არ ზღუდავდეს სააბაზანოს სხვა ნაწილებს.

ხანდაზმული ან შეზღუდული შესაძლებლობების მქონე პირებისთვის გაითვალისწინეთ უსაფრთხოების დამატებითი ელემენტები, როგორიცაა ხელმოსაჭიდი სახელურები კარადებზე ან ანტი-სრიალა ზედაპირები.

გარდა ავეჯისა, ერგონომიულობის თვალსაზრისით მეტად მნიშვნელოვანია სააბაზანო სივრცეში ადეკვატური განათების არსებობა. იმისათვის, რომ დამატებითი სინათლე შემატოთ სივრცეს, შეგიძლიათ პირსაბანის თავზე დაკიდოთ სარკე განათებით.

ფერთა შეხამება და სტილის შერჩევა

სააბაზანოს დიზაინში ფერებისა და სტილის სწორად შეხამება ჰარმონიულ და კომფორტულ გარემოს ქმნის. პოპულარული სტილებიდან გამოირჩევა მინიმალისტური, სკანდინავიური, ბოჰემური და ინდუსტრიული. მინიმალისტური სტილი ხასიათდება სუფთა, ზუსტი ხაზებითა და ნეიტრალური ფერებით, სკანდინავიური - თეთრი ფერისა და ბუნებრივი ხის კომბინაციით, ბოჰემური - მდიდარი ტექსტურებითა და მკვეთრი ფერებით, ხოლო ინდუსტრიული - უხეში ზედაპირებითა და მუქი ტონებით.

ფერების შერჩევისას მნიშვნელოვანია გავითვალისწინოთ სააბაზანოს ზომა და განათება. მცირე სივრცეებისთვის რეკომენდებულია ღია ფერები, თუმცა მუქი აქცენტებიც შეიძლება ეფექტურად გამოიყენოთ. მონოქრომული ფერთა სქემა ქმნის დახვეწილ იერსახეს, ხოლო კომპლემენტარული ფერების გამოყენება - ენერგიულ ატმოსფეროს.

ტექსტურებისა და ფასონების გამოყენება ამდიდრებს სააბაზანოს დიზაინს. გეომეტრიული შტრიხები, ბუნებრივი ქვის ან ხის ტექსტურები, მარმარილოს იმიტაცია - ყველა მათგანი შეიძლება გახდეს საინტერესო აქცენტი. თუმცა, მნიშვნელოვანია ბალანსის დაცვა, რათა თავიდან ავიცილოთ ვიზუალური გადატვირთულობა.

ფერებისა და სტილის შერჩევისას გაითვალისწინეთ არა მხოლოდ მიმდინარე ტენდენციები, არამედ თქვენი პირადი გემოვნებაც. საბოლოო ჯამში, სააბაზანო უნდა იყოს ადგილი, სადაც თავს კომფორტულად გრძნობთ, ამიტომ შერჩეული დიზაინი უნდა ასახავდეს თქვენს ინდივიდუალურობას.

"ვიტრას" პროდუქცია გთავაზობთ იდეალურ გადაწყვეტილებებს თქვენი სააბაზანოსთვის. ავეჯი აერთიანებს მაღალ ხარისხს, ინოვაციურ დიზაინსა და პრაქტიკულობას. "ვიტრას" ასორტიმენტში შეგიძლიათ იპოვოთ ყველაფერი დაწყებული ნესტგამძლე მასალებისგან დამზადებული კარადებით, დამთავრებული მრავალფუნქციური სარკეებითა, ერგონომიული ხელსაბანებითა და აბაზანის აქსესუარებით.

ისღა დაგრჩენიათ, გადადგათ ნაბიჯი იდეალური სააბაზანოსკენ - ეწვიოთ "ვიტრას" შოურუმს ან შეარჩიოთ პროდუქტი ონლაინ კატალოგიდან.

წყლის შემრევი ონკანის შერჩევა, ერთი შეხედვით, მარტივი ამოცანაა, მაგრამ რეალურად გადაწყვეტილება მნიშვნელოვან გავლენას მოახდენს თქვენი სახლის ფუნქციონირებასა და ესთეტიკაზე, ამიტომ იმსახურებს დრო დაუთმოთ და რაც შეიძლება მეტი ვარიანტი განიხილოთ. სწორად შერჩეული ონკანი არა მხოლოდ პრაქტიკული და კომფორტული გამოსაყენებელია, არამედ შეიძლება თქვენი სააბაზანოს ან სამზარეულოს დიზაინის მთავარი აქცენტიც კი გახდეს. 

ამ ბლოგში ჩვენ განვიხილავთ ონკანების სხვადასხვა ტიპებს, მასალებს, დიზაინის თავისებურებებსა და ხარისხის მნიშვნელობას, რათა დაგეხმაროთ იდეალური ონკანის შერჩევაში 

ონკანის ტიპები: როგორ ავირჩიოთ საუკეთესო ვარიანტი

ეცადეთ სამზარეულოს ონკანის შეძენისას მაღალი და გრძელი ყელის მქონე მოდელი შეარჩიოთ. ის კომფორტულია ნებისმიერი სამუშაოს შესასრულებლად, იქნება ეს პროდუქტების რეცხვა თუ ჭურჭლის ავსება. 

ხელსაბანის შემრევი ონკანი უფრო კომპაქტურია. სააბაზანო სივრცის იმდენად მნიშვნელოვანი ნაწილია, რომ ხშირად აქცენტი სწორედ მასზე კეთდება.ის სტილისა და დიზაინის თვალსაზრისით უფრო გამორჩეულია. სწორედ ამიტომ, შეარჩიეთ სახასიათო, ატმოსფეროს შესაბამისი წყლის შემრევი. 

საშხაპის ონკანი კიდევ ერთი მნიშვნელოვანი კატეგორიაა. თერმოსტატული კონტროლის მქონე მოდელები საშუალებას გაძლევთ ზუსტად დაარეგულიროთ წყლის ტემპერატურა. მრავალი თანამედროვე შხაპის ონკანი ასევე გთავაზობთ სხვადასხვა წყლის ნაკადის რეჟიმს - წვიმის ეფექტიდან მასაჟის ფუნქციამდე.

რაც შეეხება მართვის მექანიზმს, არსებობს ორი ძირითადი ვარიანტი: ერთბერკეტიანი და ორბერკეტიანი ონკანები. ერთბერკეტიანი მოდელები მარტივად გამოსაყენებელია და იდეალურია იმ ადამიანებისთვის, რომლებსაც წყლის ტემპერატურის რეგულირება ერთი მექანიზმის დახმარებით სურთ. ორბერკეტიანი ონკანებით კი ცხელი და ცივი წყლის უფრო ზუსტი კონტროლია შესაძლებელი, თუმცა ორი დამოუკიდებელი მექანიზმისაგან შედგება და ალღოს ასაღებად მეტი დრო სჭირდება. 

დასამზადებელი მასალები: არჩევანი და თავისებურებები

თუ კომფორტული და ესთეტიკურად მიმზიდველი სივრცის შექმნა გვინდა, აბაზანისა და სამზარეულოს ონკანების შერჩევისას მასალა და სტილი ისეთივე მნიშვნელოვანია, როგორც მისი ფუნქციურობა.

Ონკანის გარსი მრავალფეროვანია და თითოეულს თავისი უნიკალური ხიბლი აქვს. მაგალითად, ქრომი კლასიკური არჩევანია, რომელიც პრაქტიკულად ყველა სტილს ერგება. ის ადვილად იწმინდება და მდგრადია კოროზიის მიმართ. იდეალურია თანამედროვე და მინიმალისტური დიზაინის მქონე სივრცეებისათვის. ბრაშირებული ნიკელი ქრომთან შედარებით უფრო თბილი ტონის მქონეა და ელეგანტურ, დახვეწილ იერს ატარებს. განსაკუთრებით კარგად გამოიყურება კლასიკურ ან გარდამავალი სტილის ინტერიერში.

დიზაინი და ესთეტიკა თქვენი სახლისათვის

ონკანის შერჩევისას მნიშვნელოვანია გაითვალისწინოთ, როგორ შეესაბამება ის სააბაზანოს საერთო დიზაინს. ერთი მიდგომაა საერთო სტილის შენარჩუნება - ონკანის ვიზუალი უნდა შეესაბამებოდეს სხვა მეტალის ელემენტებს, როგორიცაა პირსახოცის საკიდები, შხაპის თავი ან განათების ელემენტები, სამზარეულოს დეტალები და ა.შ. მეორე მხრივ, თუ გსურთ, რომ კონკრეტულ დეტალზე იყოს აქცენტი, შეგიძლიათ გამოიყენოთ ჩასაშენებელი ონკანი, რომელიც კონტრასტს ქმნის სივრცის ძირითად ფერებთან. მაგალითად, შავი ონკანი თეთრი ფერის სივრცეში ან ოქროსფერი ონკანი მუქი ლურჯი კედლების ფონზე შთამბეჭდავ ეფექტს ქმნის.

ტექსტურებთან თამაშიც შესანიშნავი გზაა საინტერესო დიზაინის შესაქმნელად. პრიალა ქრომის ონკანი შეგიძლიათ ქვის აბაზანის ნიჟარას შეუხამოთ. რეტრო ან ვინტაჟური სტილის ონკანები შეიძლება შესანიშნავად გამოიყურებოდეს ტრადიციულ გარემოში, ქმნიდეს ნოსტალგიურ ატმოსფეროს თანამედროვე კომფორტთან ერთად. ,,ვიტრას” რეტრო კოლექცია განსაკუთრებით საინტერესოა. ეს ონკანები იდეალურია ვინტაჟური ან ეკლექტური სტილის სივრცეებისათვის.

შეფერილი თუ სტანდარტული ონკანი?

შეფერილი თუ სტანდარტული ონკანი? - ეს არჩევანი მნიშვნელოვნად განსაზღვრავს თქვენი სააბაზანოს ან სამზარეულოს იერსახეს. შეფერილი ონკანები, როგორიცაა მქრქალი (მატი) შავი, სპილენძისფერი ან ნაცრისფერი, თანამედროვე და ელეგანტურ შტრიხს მატებს ინტერიერს. ,,ვიტრას” შემრევი ონკანები PVD დაფარვის მეთოდით მზადდება, შესაბამისად, გამძლეობით გამოირჩევა და ფერს დიდხანს ინარჩუნებს. 

სტანდარტული, შეუფერავი ონკანები, როგორიცაა ქრომის ან უჟანგავი ფოლადის, კლასიკური მოდელებია. მაგალითად, თუ აბაზანისათვის სტანდარტული ფერის იატაკზე სამაგრ ონკანს შეარჩევთ, სივრცის დიზაინი დიდი ხნის განმავლობაში არ მოძველდება. 

საბოლოო არჩევანი დამოკიდებულია თქვენს პირად სტილზე, ბიუჯეტსა და გრძელვადიან გეგმებზე. ,,ვიტრას” კოლექცია გთავაზობთ ფართო არჩევანს, და უზრუნველყოფს მაღალ ხარისხს, ესთეტიკურ მიმზიდველობასა და გრძელვადიან ფუნქციონალურობას ნებისმიერ შემთხვევაში.

ხარისხი და საიმედოობა: გრძელვადიანი კომფორტისა და ეკონომიის საწინდარი

მაღალი ხარისხის ონკანის შეძენა გრძელვადიან პერსპექტივაში ღირებული ინვესტიციაა. გამოირჩევა გამძლეობით, წყლის უკეთესი კონტროლითა და, მრავალწლიან პერსპექტივაში, ეკონომიურობით. სანტექნიკის პროდუქტების შოურუმი ,,ვიტრა” განსაკუთრებულ ყურადღებას უთმობს პროდუქციის ხარისხს, იყენებს მხოლოდ უმაღლესი ხარისხის მასალებს და ატარებს მკაცრ ხარისხის კონტროლს.

შემრევი ონკანები ტესტირებულია 2.1 მილიონ გახსნა-დაკეტვაზე, რაც ადასტურებს მათ საიმედოობას. ინოვაციური ტექნოლოგიები, როგორიცაა კირისა და ბაქტერიების წარმოქმნის საწინააღმდეგო აერატორი და წყლის ჩუმი, არაშხეფებადი ნაკადი, უზრუნველყოფს მაღალ ეფექტურობას, ჰიგიენურობას და მოხმარების კომფორტს.

ჩვენი ონკანებს მოყვება 7 წლიანი გარანტია. ნებისმიერი მოდელის არჩევისას თქვენ იღებთ იდეალურ ბალანსს სტილს, ფუნქციონალობას, ხარისხსა და საიმედოობას შორის. ხომ არ ფიქრობთ, რომ დადგა დრო ცვლილებებისთვის? ,,ვიტრასთან” ერთად, თქვენი სახლის ტრანსფორმაცია ერთი ონკანით დაიწყება.

ვიტრას მონაწილეობა მსხვილ სამშენებლო პროექტებში საქართველოში

თანამედროვე სამშენებლო ინდუსტრიაში გამორჩეული ადგილი უჭირავს ,,ვიტრა საქართველოს”, რომელიც 14 წლის განმავლობაში დეველოპერებისა თუ მშენებლების უმნიშვნელოვანეს პარტნიორად ჩამოყალიბდა როგორც სანტექნიკისა და კერამიკული ფილების წამყვანი მიმწოდებელი.

“ვიტრასთავის” სამშენებლო მასალების მიწოდება მხოლოდ ბიზნესის ნაწილი არ არის. კომპანიის ხედვა ბევრად უფრო ღრმაა - ეს არის სწრაფვა სრულყოფილი, ესთეტიკური და ფუნქციური პროდუქციის შექმნისაკენ, რაც საბოლოოდ მომხმარებელთა მაქსიმალურ კომფორტსა და კმაყოფილებას ემსახურება.

,,ვიტრა” როგორც საიმედო პარტნიორი სამშენებლო სექტორისთვის

როდესაც საქმე ეხება მშენებლობას, სანტექნიკის შერჩევა ერთ-ერთი ყველაზე მნიშვნელოვანი და, ამავდროულად, რთული ეტაპია. ჩვენთან თანამშრომლობისას აღარ მოგიწევთ სხვადასხვა ადგილას აბაზანის, უნიტაზის, ხელსაბანის თუ შემრევი ონკანის ძებნა - ყველაფერი ერთ ადგილასაა და, რაც მთავარია, ერთმანეთთან იდეალურადაა შეხამებული როგორც ტექნიკური მახასიათებლებით, ისე დიზაინით.

Ვიტრა საქართველოს მიზანია არა მხოლოდ ხარისხიანი სანტექნიკითა და კერამიკული ფილების მომხმარებლისთვის მიწოდება, არამედ კლიენტების სრულყოფილად კონსულტირება სააბაზანოს ინტერიერის კეთილმოწყობის საკითხებში. 

ხარისხის მიმართ უკომპრომისობა მთავარი პრინციპია. სანტექნიკა და კერამოგრანიტის ფილები იწარმოება უახლესი ტექნოლოგიებით, საუკეთესო მასალებით და გადის მკაცრ ხარისხის კონტროლს. შედეგად, პროდუქცია გამოირჩევა გამძლეობით, საიმედოობითა და ფუნქციონალურობით. 

ამასთანავე, კომპანია მუდმივად ეძებს გზებს, გახადოს თავისი პროდუქცია კიდევ უფრო მოხერხებული, ეკო-მეგობრული და ვიზუალურად მიმზიდველი. ამას ადასტურებს Green Building Certificate-ის სერტიფიკატებიც, რომლებიც ცხადყოფს კომპანიის ერთგულებას მდგრადი განვითარების მიმართ.

ლოგისტიკური კუთხით, ,,ვიტრას” კონკურენტულ უპირატესობას წარმოადგენს ბრენდების ოფიციალური წარმომადგენლობა და საწყობები საქართველოში. მწარმოებლებთან/ბრენდებთან (რომელიმე ერთი დატოვე) მჭიდრო ურთიერთობა საშუალებას იძლევა მოქნილად მოხდეს რეაგირება, ეფექტიანად იმართოს მარაგები და სამშენებლო გრაფიკის შესაბამისად, დროულად მოხდეს შეკვეთების მიწოდება.

ჩართულობა მრავალპროფილურ პროექტებში - სტილი, ფუნქციონალურობა, კომფორტი

კომპანიის საქმიანობის მასშტაბზე მეტყველებს ის პროექტები, რომლებშიც ჩვენი პროდუქცია გამოყენებული. მათ შორის სხვადასხვა ტიპის უძრავი ქონება - საცხოვრებელი კომპლექსები, ოფისები, სავაჭრო ცენტრები და სასტუმროები. ჩამონათვალში ნახავთ ისეთ ცნობილ ობიექტებს, როგორებიცაა მზიური გარდენსი მახინჯაურში, White Sails, გუმბათი ბათუმში, ჰოლიდეი ინ ექსპრესი ავლაბარში და სხვა მრავალი.

ოფისების სეგმენტში აღსანიშნავია კომპანიის თანამშრომლობა საზოგადოებრივი მაუწყებლის ახალი შენობის პროექტზე თბილისში. კომპანიის ძალისხმევით ობიექტზე შეიქმნა მოხერხებული, ფუნქციონალური და ესთეტიკური სანიტარული კვანძები, რომელიც თანამედროვე საოფისე სივრცის მოთხოვნებს სრულად პასუხობს. 

თითოეულ პროექტში ,,ვიტრამ” შეძლო სააბაზანო სივრცის ტრანსფორმაცია - პრაქტიკული სივრცე გადაიქცა კომფორტისა და რელაქსაციის ადგილად. გაწეული ძალისხმევის შედეგი კი ნათლად აისახება იმ უპირატესობებში, რომლებსაც ვიტრასთან თანამშრომლობით იღებენ დეველოპერები: იქნება ეს უძრავი ქონების გაზრდილი ღირებულება, საბოლოო მომხმარებელთა მაღალი კმაყოფილება თუ ინტერიერის უნიკალური ვიზუალი - კომპანიის წვლილი ყველა ამ კომპონენტში უდავოა.

უპირატესობები დეველოპერებისათვის - რატომ ვითანამშრომლოთ ვიტრასთან?

კომპანია დეველოპერებს მრავალმხრივ უპირატესობებს სთავაზობს, რაც მას სასურველ პარტნიორად აქცევს ნებისმიერი სირთულისა და მასშტაბის სამშენებლო პროექტისთვის:

- უმაღლესი ხარისხი - განპირობებულია ინოვაციური ტექნოლოგიებით, სერტიფიცირებით, საუკეთესო მასალებითა და მკაცრი ხარისხის კონტროლით;

- მრავალფეროვანი დიზაინი - სხვადასხვა სტილის, ფორმისა და ფერის ფართო არჩევანი, რაც იძლევა უნიკალური ინტერიერების შექმნის საშუალებას;

- კონკურენტუნარიანი ფასები - მიუხედავად იმისა, რომ პროდუქცია პრემიუმ-სეგმენტს განეკუთვნება და მთავარი აქცენტი უკომპრომისო ხარისხზეა, ფასები მაინც რჩება ბაზარზე კონკურენტუნარიანობის ჩარჩოებში;

- საუკეთესო საგარანტიო პირობები - დეველოპერებს სთავაზობს ქართული ბაზრისთვის საუკეთესო გარანტიას: 7 წელი შემრევ ონკანებზე და 10 წელი კერამიკულ სანტექნიკაზე. ამასთან, შესაძლებელია სათადარიგო ნაწილების შეკვეთაც, რაც მსხვილ პროექტებს წლების შემდეგ გაცვეთილი დეტალების განახლების საშუალებას აძლევს;

- სრული აღჭურვა ერთი ბრენდით - ჩვენ შეგვიძლია პროცესის უზრუნველყოფა სრული კომპლექტაციით, ფილებიდან დაწყებული, სანტექნიკური ნაკეთობებით დამთავრებული, რაც ამარტივებს სამუშაო პროცესს.

Ბრენდი მუდმივად გეგმავს კიდევ უფრო გააფართოოს თავისი საქმიანობის არეალი, შეიტანოს სიახლეები ასორტიმენტში, შეიმუშაოს უფრო მდგრადი, ეკომეგრობული და ენერგოეფექტური გადაწყვეტილებები. უცვლელი დარჩება ერთი რამ - კომპანიის ერთგულება ხარისხის, ინოვაციურობისა და მომხმარებლის მიმართ.

და ბოლოს თამამად შეიძლება ითქვა, რომ ,,ვიტრა საქართველო”, როგორც სანტექნიკის მაღაზია ინარჩუნებს ლიდერის სტატუსს ბაზარზე და რჩება სტრატეგიულ, სანდო პარტნიორად ნებისმიერი, განსაკუთრებით კი მასშტაბური და კომპლექსური სამშენებლო პროექტების განსახორციელებლად და მნიშვნელოვნად უწყობს ხელს სამშენებლო სექტორის განვითარებას.

სააბაზანო ოთახი მხოლოდ ჰიგიენის დაცვისა და საკუთარ თავზე ზრუნვისთვის განკუთვნილი სივრცე კი არა, დასვენებისა და რელაქსის ადგილიცაა. აბაზანის სისუფთავე, კომფორტი და ესთეტიკური მხარე პირდაპირ თქვენი ცხოვრების ხარისხზე აისახება.

,,ვიტრას” აბაზანის ავეჯისა და ტექნიკის არჩევისას თქვენ არა მხოლოდ ესთეტიკურ სილამაზესა და კომფორტს ირჩევთ, არამედ ქმნით ჰარმონიულ გარემოს, სადაც განტვირთვა და მოსვენება შესაძლებელი ხდება. თუმცა მოდით ყურადღება გავამახვილოთ იმაზეც, თუ როგორ უნდა შეუნარჩუნოთ სააბაზანო ოთახს პირვანდელი ბრწყინვალება და დაიცვათ მაქსიმალური ჰიგიენური სტანდარტები, რომ სივრცე მაქსიმალურად დიდი ხანი გემსახუროთ.

როგორ იზრუნოთ სააბაზანოს სანტექნიკაზე?

სააბაზანო ოთახის სანტექნიკაზე ზრუნვა არ არის რთული პროცესი, თუმცა ის რეგულარულ ყურადღებასა და სწორ მიდგომას მოითხოვს. აუცილებელია სანტექნიკის მთავარი წერტილების — უნიტაზის, ნიჟარისა და აბაზანის - მსუბუქი საწმენდი საშუალებით ყოველდღიური ზედაპირული დასუფთავება. ეს ნადებისა და ბაქტერიების დაგროვებას თავიდან აგარიდებთ. ასევე, თუ შეამჩნევთ წყლის ნადებს სხვადასხვა ნაწილებზე, დაუყოვნებლივ მოაცილეთ სპეციალური საშუალებებით.

გაჟონვის პრობლემის შემთხვევაში, როდესაც წყალი ონკანებიდან ან საყრდენი მილებიდან მოედინება, დროულად მოახდინეთ რეაგირება და შეაკეთეთ ან შეცვალეთ დაზიანებული ნაწილები. გარდა ამისა, სააბაზანო ოთახი ყოველი გამოყენების შემდეგ გაანიავეთ, გამოიყენეთ ვენტილაცია, რათა თავიდან აირიდოთ ჭარბი ტენის დაგროვება, რაც ობისა და სოკოს წარმოქმნას უწყობს ხელს.

ჩვენს რეგიონში წყალი მაღალი მინერალიზაციით ხასიათდება, სასურველია წყლის ფილტრები გამოიყენოთ, რათა ონკანებზე ნადების წარმოქმნის ალბათობა შეამციროთ. სააბაზანოს სანიაღვრე სისტემების, ტრაპების, რეგულარული, მინიმუმ თვეში ერთხელ წმენდა გამტარუნარიანობისა და ჰიგიენის უზრუნველსაყოფად ძალიან მნიშვნელოვანია, რადგან დროთა განმავლობაში მილებში სხვადასხვა სახის ნარჩენები გროვდება და წყლის გასვლას ხელს უშლის.

ამ მარტივი, მაგრამ ეფექტური ნაბიჯების გადადგმით თქვენ შეძლებთ გაახანგრძლივოთ სააბაზანო ოთახის სანტექნიკის ეფექტური ფუნქციონირება.

სხვადასხვა ზედაპირის მოვლის წესები

როგორც წესი, აბაზანაში განსხვავებული ტიპის ზედაპირებია გამოყენებული, რომლებიც ერთმანეთისგან განსხვავებულ, სპეციფიკურ მოვლას საჭიროებს:

• კაფელი და კერამიკა გაწმინდეთ რბილი ღრუბლითა და ნეიტრალური სარეცხი საშუალებით. მოერიდეთ აბრაზიულ ღრუბლებსა და მჟავიან საწმენდებს, რომლებმაც შეიძლება ზედაპირის გაკაწვრა და ზედაპირული ფენის მოშლა გამოიწვიოს;
• ხის ზედაპირები გაწმენდის შემდეგ კარგად გაამშრალეთ, პერიოდულად კი ხის მოვლის ზეთით დაამუშავეთ. არ გამოიყენოთ ტუტე ან მჟავა ნივთიერებების შემცველი ხსნარები, რადგან მასალის ბუნებრივი სტრუქტურა და ფერი ზიანდება;
• Საშხაპის Შუშა და სარკე გაწმინდეთ სარკის საწმენდი საშუალებით და გაამშრალეთ ქაღალდის ხელსახოცით ან მიკროფიბრის ნაჭრით, რათა არასასურველი ნაკვალევი თავიდან აიცილოთ;
• უჟანგავი ფოლადი გაწმინდეთ სპეციალური საწმენდით ან საპნიანი წყლით, შემდეგ კი გააპრიალეთ მშრალი ქსოვილით; 
• ქრომირებული ზედაპირებისთვის გამოიყენეთ მსუბუქ საწმენდ ნივთიერებასთან გაზავებული თბილი წყალი, შემდეგ კი რბილი ქსოვილით გაამშრალეთ. მოერიდეთ აბრაზიულ ან ქიმიურ საწმენდებს, რადგან ერთ შემთხვევაში შესაძლოა ნაკაწრები გაჩნდეს, მეორე შემთხვევაში კი ქრომი ქიმიურ ნივთიერებებთან რეაქციაში შევიდეს და დაშლა დაიწყოს;
• აკრილის აბაზანა და ხელსაბანი საკმაოდ პოპულარულია, რადგან ისინი მდგრადია, იოლად სუფთავდება და დიდხანს ინარჩუნებს ბზინვარებას. ყოველკვირეულად დაამუშავეთ აკრილი სპეციალურად მისთვის განკუთვნილი არააბრაზიული საწმენდით. არასოდეს გამოიყენოთ ლითონის უხეში ჯაგრისი, რომელსაც შეუძლია აკრილის ზედაპირზე ნაკაწრებისა და ხაზების დატოვება. ასევე, თავი აარიდეთ აგრესიულ ქიმიკატებს, განსაკუთრებით აცეტონის ან ტუტე შემცველ ნივთიერებებს, რომლებიც აზიანებენ აკრილს.
• რაც შეეხება იატაკისა და კედლის ფილების მოვლას, ყოველდღიური მსუბუქი წმენდა ნეიტრალური საშუალებებით, კვირაში ერთხელ კი ღრმა დასუფთავება სპეციალური პროდუქტებით დაიცავს მათ ლაქებისა და ობისგან.

ყველა ზედაპირისთვის მნიშვნელოვანია ჭარბი ტენის დროული მოცილება და რეგულარული განიავება. შეარჩიეთ მაღალი ხარისხის, ზედაპირისთვის შესაფერისი საწმენდი საშუალებები და მიჰყევით მწარმოებლის ინსტრუქციას.

აბაზანის ნადებისა და ობისაგან დაცვის გზები

ნადები და ობი აბაზანის ყველაზე გავრცელებული გამოწვევებია, რომელიც აბაზანის ზედაპირს უარყოფით ვიზუალურ ეფექტს სძენს და დროსთან ერთად სულ უფრო მეტ ზიანს აყენებს. ამ გამოწვევას ეფექტურად რომ გაუმკლავდეთ, რამდენიმე პრაქტიკული ნაბიჯის გადადგმა შეგიძლიათ.

პირველ რიგში, აბაზანის გამოყენების შემდეგ ყოველთვის გაამშრალეთ ის ნაჭრის ხელსახოცით. თუ წყლის წვეთები სააბაზანოს აღჭურვილობაზე დიდხანს დარჩება, მაშინ ნადების წარმოქმნის პროცესი გააქტიურდება, ხოლო ნესტის არსებობის შემთხვევაში ობის წარმოქმნა დაიწყება. 

რეკომენდებულია კვირაში ერთხელ აბაზანის დამუშავება მჟავა ნივთიერებებით. თუ ქიმიური საშუალებების გამოყენება არ გსურთ, ძმრის ან ლიმონმჟავას ხსნარი შესანიშნავი ალტერნატივაა. ამისთვის გააზავეთ 1 ჭიქა ძმარი ან ½ ჭიქა ლიმონის წვენი 4 ლიტრ წყალში, დაასხით ზედაპირს და 15-20 წუთის შემდეგ კარგად გარეცხეთ. მჟავა ხსნარები ეფექტურად ებრძვის მინერალურ ნალექს.

თუ თქვენს რეგიონში განსაკუთრებით ხისტი წყალია, შეიძლება წყლის დარბილების სისტემის ინსტალაციაზეც იფიქროთ. ამ გზით წყალში მინერალების კონცენტრაცია მინიმუმამდე დავა, რაც, თავის მხრივ, ნადებსაც შეამცირებს.

გარდა ამისა, შეგიძლიათ გამოიყენოთ სპეციალური საწმენდები და საპრიალებლები, რომლებიც აბაზანის ზედაპირზე დამცავ ბარიერს ქმნის და ნადებს გამაგრების შესაძლებლობას არ აძლევს.

და ბოლოს, მნიშვნელოვანია ამ წესების რუტინად ქცევა და აბაზანის მოვლაზე მუდმივი ზრუნვა. რაც უფრო ხშირად იწმინდება და პრიალდება ზედაპირი, მით ნაკლებია ნადების დაგროვების, ლაქების გაჩენისა და ზოგადი დაზიანების ალბათობა. შესაბამისად, მით უფრო დიდხანს ნარჩუნდება აბაზანის პირვანდელი, მიმზიდველი სახე.

,,ვიტრას” აბაზანის აღჭურვილობის შეხამება სწორ მოვლა-შენახვის მიდგომებთან ერთად, საშუალებას მოგცემთ, თქვენი აბაზანის კომფორტითა და ესთეტიკით მრავალი წლის განმავლობაში ისიამოვნოთ.