შშმ პირთა მოწყობილობები

აბაზანის კომფორტული და უსაფრთხო გამოყენება განსაკუთრებით მნიშვნელოვანია შეზღუდული შესაძლებლობების მქონე პირებისთვის. ისეთი ჰიგიენური პროცედურების შესრულება, როგორებიცაა ხელ-პირის დაბანა, შხაპის მიღება თუ სხვა, შესაძლოა დიდ გამოწვევად იქცეს, თუ აბაზანა შესაბამისად არ არის ადაპტირებული. 

შშმ პირთა აბაზანის აქსესუარები ყველა იმ გამოწვევას ითვალისწინებს, რომელსაც მოტორული დარღვევების მქონე პირები და ეტლით მოსარგებლე ადამიანები აწყდებიან. 

სწორედ ამიტომ, “ვიტრას” კატალოგში მრავალი სხვადასხვა ტიპის აბაზანის აქსესუარი შეგხვდებათ, რომელიც თქვენს აბაზანაში ინკლუზიური და კომფორტული გარემოს შექმნაში დაგეხმარებათ. 

ჩვენი სანტექნიკური პროდუქცია კი თქვენი აბაზანის გამრავალფეროვნებასა და ფუნქციურობაზე იზრუნებს. 

შშმ პირთა აბაზანის აქსესუარები - მახასიათებლები და ფუნქციები

აბაზანის შემრევი გრძელი სახელურით - ონკანის გრძელი და მოხრილი სახელური მომხმარებელს საშუალებას აძლევს მარტივად მიწვდეს წყლის ნაკადს ნებისმიერი პოზიციიდან დახრისა და გადაადგილების საჭიროების გარეშე. 

ეს მოწყობილობა განსაკუთრებით მოსახერხებელია ეტლით მოსარგებლე პირებისა ან/და იმ ადამიანებისთვის, რომლებსაც მოტორიკის პრობლემები აქვთ. 

“ვიტრას” სხვადასხვა ტიპის ონკანები ჰიგიენური პროცედურების მაქსიმალურად გამარტივებაში შეგიწყობთ ხელს. 

უნიტაზი ამოჭრილი ზედაპირით - ეს სპეციალიზებული უნიტაზი თავისი ადაპტირებული დიზაინით მნიშვნელოვნად აუმჯობესებს შეზღუდული შესაძლებლობების მქონე პირების ცხოვრების ხარისხს. 

მისი გაზრდილი სიმაღლე გადაჯდომა-წამოდგომის პროცესს აადვილებს როგორც ეტლის მომხმარებლებისთვის, ასევე მათთვის, ვისაც სხვა ტიპის მოტორული სირთულეები აქვს. 

ხელჩასავლები - მსგავსი ტიპის აქსესუარები ყველაზე ხშირად უნიტაზის, საშხაპისა და აბაზანის გვერდით ყენდება. ის მნიშვნელოვნად ამარტივებს გადაადგილებას და მომხმარებელს მაქსიმალურ კომფორტს უქმნის. 

დასაჯდომი აქსესუარი - მსგავსი ტიპის სკამი, ძირითადად, საშხაპეში მონტაჟდება, პროდუქტს კი, უმეტესწილად, ეტლით მოსარგებლე ადამიანები იყენებენ. 

“ვიტრას” შშმ პირთა აბაზანის აქსესუარები ინდივიდუალურ საჭიროებებზეა მორგებული და მაქსიმალურად ერგება მომხმარებლის მოთხოვნებს. 

როგორ შევარჩიოთ შშმ პირთა აბაზანის მოწყობილობები?

შშმ პირებისთვის განკუთვნილი აბაზანის მოწყობილობების შერჩევისას მრავალი ფაქტორია გასათვალისწინებელი, მაგრამ მათგან განსაკუთრებით მნიშვნელოვანია უსაფრთხოების საკითხი. ყველა აქსესუარი უსაფრთხო ფუნქციონალის მქონე უნდა იყოს და მომხმარებელი მაქსიმალურად დააზღვიოს ყველა მოსალოდნელი საფრთხისგან. 

ამასთან ერთად, მნიშვნელოვანია ისიც, რომ აქსესუარები გამძლე მასალისგან იყოს დამზადებული, რათა მისი გამოცვლის საჭიროება შეძენიდან მალევე არ დადგეს. 

ყურადღება მიაქციეთ იმასაც, რომ შენაძენი მოსახერხებელ ადგილას იყოს დამონტაჟებული. ეს აქსესუარის ფუნქციურობის საკითხში გადამწყვეტი ფაქტორია. 

ინტერიერის დიზაინით დაინტერესებულ ადამიანებს კი ვურჩევთ მხედველობაში აქსესუარის დიზაინიც მიიღონ. “ვიტრას” კატალოგში სხვადასხვა ფორმისა და ზომის შშმ პირთა აბაზანის აქსესუარები შეგხვდებათ. 

შშმ პირთა აბაზანის აქსესუარების დიდი არჩევანი “ვიტრაში” 

“ვიტრა” ქართულ ბაზარზე 20 წელზე მეტია არსებობს. ამ დროის განმავლობაში კი მან მომხმარებლის ნდობის მოპოვება ინკლუზიურობითა და მაღალტექნოლოგიური პროდუქტების წარმოებით მოიპოვა. 

იმისთვის, რომ აქსესუარები სააბაზანოსთვის მარტივად შეარჩიოთ, ჩვენს შოურუმებს უნდა ეწვიოთ. ჩვენი ფილიალები თბილისსა და ბათუმში მდებარეობს. დედაქალაქში პროდუქტის შერჩევა ბელიაშვილის #142-ში შეგეძლებათ, ბათუმში კი - შერიფ ხიმშიაშვილის #1-ში. 

სასურველი პროდუქტის შეძენის შემდგომ ადგილზე მიტანის სერვისით სარგებლობაც შეგეძლებათ. მიწოდება თბილისსა და ბათუმში სრულიად უფასოა, სხვა ქალაქებში კი ფოსტის დახმარებით ხორციელდება.