Showing 1–12 of 92 results

აბაზანის აქსესუარები გადამწყვეტ როლს ასრულებს აბაზანის სივრცის ფუნქციური და ვიზუალური მახასიათებლების გაუმჯობესებაში. ისინი, მიუხედავად სპეციფიკის სიმარტივისა, ჩვენს ყოველდღიურ რუტინას მნიშვნელოვნად ამარტივებს და მას ბევრად სწრაფს ხდის. 

აბაზანის აქსესუარები ისეთ ნივთებს მოიცავს, როგორებიცაა უნიტაზის ჯაგრისი, ხალათისა და პირსახოცის საკიდები, კბილის ჯაგრისის ჩასადები და ა.შ. 

“VitrA”-ს კატალოგში აბაზანის აქსესუარები ერთმანეთისგან დიზაინით, ფორმითა და ფერით განსხვავდება. ჩვენთან შეძლებთ შავი, თეთრი, ოქროსფერი და ვერცხლისფერი აქსესუარების შეძენას. არჩევანის ეს მრავალფეროვნება მნიშვნელოვნად გაგიმარტივებთ გადაწყვეტილების მიღების პროცესს. 

აბაზანის აქსესუარების უპირატესობები

გამარტივებული ორგანიზება - ისეთი აქსესუარები, როგორიცაა მაგ. პირსახოცის საკიდები, ამცირებს არეულობას და სივრცის ეფექტურ გამოყენებას უწყობს ხელს. 

ხელმისაწვდომობა - აბაზანის აქსესუარები გეხმარებათ თქვენთვის საჭირო ნივთები მარტივად მისაწვდომი იყოს. ისეთი აქსესუარები, როგორებიცაა, მაგალითად, მოძრავი ხელის ჩასავლები მნიშვნელოვანი ხელსაწყოა შშმ პირებისთვის

ვიზუალური ხიბლი - აბაზანაში ნივთების განსათავსებლად აქსესუარების გამოყენება აბაზანის დიზაინს ამრავალფეროვნებს, ასეთ დროს ყველა ნივთს საკუთარი ადგილი აქვს მიჩენილი, სივრცე კი ბევრად მოცულობითი ჩანს. 

პერსონალიზაციის შესაძლებლობა - შენაძენის სასურველ ადგილას დამონტაჟება საშუალებას მოგცემთ აბაზანა მაქსიმალურად მოარგოთ თქვენს ინტერესებს. 

კომფორტი - ისეთი აქსესუარებს, როგორებიცაა აბაზანის ხალიჩები და ფარდები, სააბაზანოს დიზაინში განსაკუთრებული შტრიხები შეაქვს, რაც სივრცეს კიდევ უფრო მყუდროს ხდის. 

აბაზანის აქსესუარები Vitra.com.ge-ზე

“ვიტრა” კერამიკული ფილებისა და სანტექნიკის მწარმოებელი კომპანიაა, რომლის კატალოგშიც მაღალი ხარისხის აბაზანის აქსესუარები შეგხვდებათ. მათ შორის განსაკუთრებით პოპულარული კი შემდეგი პროდუქტებია: 

კოსმეტიკური სარკე - მიუხედავად იმისა, რომ აბაზანაში განთავსებული დიდი სარკე, ძირითადად, თავის მოსაწესრიგებლად გამოიყენება, მაკიაჟის გასაკეთებლად და კანის მოვლის პროცედურებისთვის შედარებით პატარა ზომის სარკე ბევრად მოსახერხებელია. მოძრავი სარკე შეგეძლებათ სასურველ სიმაღლეზე დააყენოთ და სურვილის შემთხვევაში განათებაც ჩართოთ, რაც საკუთარი გამოსახულების უფრო მკაფიოდ დანახვის საშუალებას მოგცემთ. აბაზანის ავეჯთაგან სარკე ერთ-ერთი ყველაზე გამორჩეული ნივთია და მისი სწორად შერჩევა განაპირობებს აბაზანის ინტერიერის მთლიანობას.

ტუალეტის ქაღალდის საკიდი - ის, ძირითადად, იმისთვის გამოიყენება, რომ ჰიგიენური საშუალების ვიზუალმა სველი წერტილის ინტერიერი არ დაამახინჯოს. 

ხალათისა და პირსახოცის საკიდი - მათი ძირითადი მოვალეობა სააბაზანოს სისუფთავის ხელშეწყობაა. მნიშვნელოვანია, რომ პირსახოცის საკიდი საშხაპესთან ახლოს იყოს მოთავსებული, რათა ის მარტივად ხელმისაწვდომი იყოს გამომსვლელისთვის.

თხევადი საპნის დისპენსერი - სასაპნე დისპენსერები განსაკუთრებით პოპულარულია იმ ადამიანებში, რომლებიც განსაკუთრებულ ყურადღებას აქცევენ აბაზანის დიზაინს და სურთ ოთახის საერთო ესთეტიკა ერთგვაროვანი იყოს. 

აბაზანის ჩამოთვლილი და სხვა აქსესუარები საშუალებას მოგცემთ თქვენი სახლი უსაფრთხო და კომფორტულ თავშესაფრად აქციოთ. 

“VitrA”-ში აბაზანის აქსესუარის შეძენის შემთხვევაში შეგიძლიათ ისარგებლოთ მიტანისა და მონტაჟის სერვისითაც. ჩვენი პროფესიონალები ნივთს სასურველ ადგილას სრული სიზუსტით დაგიმონტაჟებენ.