როგორ ავარჩიოთ უნიტაზი

უნიტაზის არჩევა აბაზანის ანალიზით იწყება: ერთი და იგივე მოდელი ერთ აბაზანას იდეალურად მოერგება, მეორეში კი შეიძლება მონტაჟი გაართულოს. ამიტომ, სანამ კატალოგს გადაათვალიერებთ, ფართიც გაითვალისწინეთ და ოჯახის ჩვევებიც. უპასუხეთ ხუთ კითხვას:

• რამდენი ადგილია აბაზანაში და სად გადის კანალიზაციის მილი — კედელში თუ იატაკში?
• ძველ უნიტაზს ცვლით თუ აბაზანას ახლიდან აწყობთ? ახალი მოდელი უნდა მოერგოს არსებულ ზომებსა და მონტაჟის ადგილს.
• ვინ ისარგებლებს უნიტაზით? ბავშვებისთვის, ხანდაზმულებისთვის ან შეზღუდული შესაძლებლობის მქონე ადამიანებისთვის სიმაღლე და კომფორტი განსაკუთრებით მნიშვნელოვანია.
• რომელი ფორმა უხდება თქვენს აბაზანას — რბილი, მომრგვალებული თუ მკაფიო, კვადრატული ხაზები?
• რამდენად მნიშვნელოვანია მარტივი წმენდა და ჩარეცხვის თანამედროვე ტექნოლოგია?

ერთ-ერთი პირველი გადაწყვეტილება უნიტაზის ტიპია. მას მონტაჟის წესი, აბაზანის არქიტექტურა და თქვენი ჩვევები განსაზღვრავს. VitrA-ს კოლექციებში ოთხ ძირითად გადაწყვეტას ნახავთ.

• დასაკიდი უნიტაზი ფიქსირდება კედელზე, ავზი კი კედელშია ჩამალული. იატაკი თავისუფალია, წმენდა — მარტივი, იერი — თანამედროვე. იხილეთ კატალოგში
• დასადგამი უნიტაზი მყარად დგას იატაკზე და კედელთან მიიდგმება; კლასიკური მონტაჟი, რომელიც რემონტისას განსაკუთრებით მოსახერხებელია. იხილეთ კატალოგში
• უნიტაზი კერამიკის ცისტერნით ცისტერნა უნიტაზს უკნიდან, გარედან ემაგრება. მარტივი მონტაჟი და კომპაქტური გადაწყვეტა. იხილეთ კატალოგში
• უნიტაზი ბიდის ფუნქციით ერთ პროდუქტში აერთიანებს უნიტაზსა და ბიდეს; ჭკვიან მოდელებს პულტით მართავთ. იხილეთ კატალოგში

დასაკიდი უნიტაზი

თანამედროვე აბაზანებში ყველაზე ხშირად დასაკიდ უნიტაზს ირჩევენ. ავზი კედელშია, უნიტაზი იატაკს არ ეხება, ამიტომ ქვეშ თავისუფლად წმენდთ და სივრცეც უფრო ჰაეროვანი ჩანს. VitrA-ს Sento და Integra კოლექციებში სხვადასხვა ზომისა და ფორმის დასაკიდ უნიტაზებს ნახავთ. დასაკიდი უნიტაზი ყოველთვის ჩასაშენებელ ავზთან და ჩამრეცხ ღილაკთან ერთად მონტაჟდება, ამიტომ კედელში ავზისთვის ადგილი სანტექნიკური სამუშაოების დაწყებამდე უნდა დაიგეგმოს.

• კედელზე
• მარტივი წმენდა
• თანამედროვე იერი

საჭიროა: ჩასაშენებელი ავზი, ჩამრეცხი ღილაკი

დასადგამი უნიტაზი

დასადგამი უნიტაზი იატაკზე ფიქსირდება და კედელთან მიიდგმება. მილის მიერთება შეიძლება იატაკიდანაც და კედლიდანაც, ამიტომ არჩევამდე გადაამოწმეთ, საიდან გამოდის კანალიზაცია და რა მანძილზეა ის კედლიდან. ეს ტიპი კარგი არჩევანია, როცა კედელში ავზის ჩაშენება შეუძლებელია ან ძველ უნიტაზს ცვლით.

უნიტაზი კერამიკის ცისტერნით

კერამიკის ცისტერნიან უნიტაზს ცისტერნა უკნიდან, კედლის გარეთ ემაგრება. კედლის დაშლა საჭირო არ არის, ამიტომ რემონტი უფრო სწრაფი და მარტივია. Zentrum-ის კოლექციაში ასეთ მოდელებს VitrA Rim-ex-ის ტექნოლოგიითაც ნახავთ.

უნიტაზი ბიდის ფუნქციით

ბიდის ფუნქციიანი უნიტაზი ორ პროდუქტს ერთში აერთიანებს და ადგილსაც ზოგავს. ჭკვიანი უნიტაზები, როგორიცაა VitrA V-Care, პულტით იმართება: საფარი ავტომატურად იწევა და ეშვება, წყლის ტემპერატურა რეგულირდება, ბიდის მილი თავს თავად იწმენდს, დამატებით კი რეცხვის სხვადასხვა რეჟიმი, საშრობი და სუნის შთანთქმის ფუნქციებია. ასეთ მოდელს წყალთან ერთად ელექტროენერგიის მიერთებაც სჭირდება — ეს მონტაჟამდე გაითვალისწინეთ.

არჩევისას ორ რამეს უნდა დააკვირდეთ: თავად უნიტაზის ზომებს და კანალიზაციის გამოსასვლელს. ზომის ასაღებად სამი პარამეტრი გაზომეთ:

• სიღრმე — მანძილი კედლიდან უნიტაზის წინა კიდემდე;
• სიგანე — მანძილი უნიტაზის მარცხენა და მარჯვენა კიდეებს შორის;
• სიმაღლე — მანძილი იატაკიდან დასაჯდომ ზედაპირამდე.

სტანდარტული უნიტაზის სიღრმე, როგორც წესი, 52–63 სმ-ია, სიგანე — 35–38 სმ, სიმაღლე კი — 40–43 სმ. კომპაქტური მოდელების სიღრმე დაახლოებით 48 სმ-ია, რაც პატარა აბაზანაში ძვირფას სანტიმეტრებს ზოგავს. ჩვენთან, მაგალითად, Sento-ს დასაკიდი უნიტაზი 54 სმ-იან სტანდარტულ და 49,5 სმ-იან კომპაქტურ ვერსიებშია, Integra Rim-ex კი — 54 და 50 სმ-იანებში.

გამოსასვლელის მიხედვით უნიტაზი ორგვარია: კედლისკენ გამოსასვლელით, როცა მილი კედელში შედის, და იატაკისკენ გამოსასვლელით, როცა იატაკში. ახალი მოდელის არჩევამდე აუცილებლად გადაამოწმეთ, საიდან გამოდის თქვენთან კანალიზაცია.

• 52–63 სმ სიღრმე
• 35–38 სმ სიგანე
• 40–43 სმ სიმაღლე
• ~48 სმ კომპაქტური

ტიპური ზომები; ზუსტი ზომა იხილეთ პროდუქტის გვერდზე.

VitrA-ს უნიტაზებში ორი ძირითადი ფორმა გამოირჩევა. მრგვალი (Round) უნიტაზს რბილი, ოვალური ხაზები აქვს: აბაზანას უფრო მსუბუქს ხდის, პატარა სივრცეში კომპაქტურად აღიქმება და ნებისმიერ ინტერიერს ერგება. კვადრატული (Square) მოდელი მკაფიო, გეომეტრიული ხაზებით გამოირჩევა და თანამედროვე, მინიმალისტურ აბაზანას უხდება — ხელსაბანთან და ავეჯთან ერთად ერთიან კომპოზიციას ქმნის. Integra-ს კოლექციაში ორივე ფორმაა: Integra Round და Integra Square.

ფერიც აბაზანის ხასიათს განსაზღვრავს. კლასიკურ თეთრთან ერთად ჩვენთან უნიტაზებს თეთრ მატ, შავ მატ, ნაცრისფერ მატ და ტაუპისფერ მატ ფერებშიც ნახავთ — მაგალითად, Sento-ს 54 სმ-იან მოდელს ყველა ამ ფერში.

დღეს უნიტაზი მხოლოდ სანტექნიკა აღარ არის — ის ჰიგიენისა და ეფექტურობისთვის შექმნილი ტექნოლოგიების ერთობლიობაა.

• VitrA Rim-ex — უნიტაზი კიდეების გარეშე. ჩვეულებრივ უნიტაზში წყალი კიდის ქვეშ დამალული არხით მიედინება და სწორედ იქ გროვდება ჭუჭყი. Rim-ex-ს ასეთი არხი არ აქვს, ამიტომ სტანდარტულ უნიტაზთან შედარებით 95%-ით ნაკლები ჭუჭყი გროვდება, სამი ნაკადის პატენტირებული სისტემა კი ჩარეცხვას 25%-ით უფრო ეფექტურს ხდის.
• VitrA Hygiene. სპეციალური ჭიქური, რომელიც კერამიკის ზედაპირზე ბაქტერიების გამრავლებას 99,9%-ით ამცირებს.
• VitrA Clean. ზედაპირი, რომელსაც წყალი და ჭუჭყი ნაკლებად ეკიდება — უნიტაზი დიდხანს რჩება სუფთა და ადვილად იწმინდება.
• VitrA QuantumFlush. ჩარეცხვის სისტემა, რომელიც, აკრედიტებული ლაბორატორიული ტესტების მიხედვით, ჩვეულებრივ უნიტაზზე 8,45 dBA-ით ჩუმია — დაახლოებით 7-ჯერ ნაკლები ხმაური.

დასაკიდ უნიტაზს სამი რამ სჭირდება: ჩასაშენებელი ავზი, ჩამრეცხი ღილაკი და, საჭიროებისამებრ, ბიდის შემრევი ან ჰიგიენური შხაპი.

• ჩასაშენებელი ავზი კედელში ან კედლის წინ აშენებულ ნიშაში მონტაჟდება. VitrA-ს ავზების რკინის კარკასი 400 კგ-მდე დატვირთვას უძლებს, Adjustable Flush-ის სისტემით კი ჩარეცხვის მოცულობა 4-დან 6 ლიტრამდე რეგულირდება. ჩვენთან ავზებს სხვადასხვა სისქით ნახავთ, რომ კედლის სისქეს მოერგოს: 8 და 9 სმ-იანი თხელი მოდელებიდან 13, 14, 15 და 20 სმ-იანებამდე, ორმხრივი ავზი კი 26 სმ-ია.
• ჩამრეცხი ღილაკი ავზის წინა მხარეს, კედელზე ჩანს, ამიტომ ის აბაზანის დეტალადაც გამოდგება. Origin-ისა და Root-ის ღილაკები იმავე ფერებშია, რომლებშიც შემრევები — ქრომირებულიდან შავ მატამდე და ოქროსფერამდე.
• ორმაგი ჩარეცხვა მცირე და სრული მოცულობის არჩევის საშუალებას გაძლევთ და ყოველდღიურად ზოგავს წყალს.

უნიტაზის სწორი მონტაჟი უსაფრთხოებასაც განსაზღვრავს და ხანგრძლივ მუშაობასაც. მონტაჟამდე და მის შემდეგ გადაამოწმეთ:

1. გამოსასვლელი — შერჩეული უნიტაზი თქვენს კანალიზაციას უნდა შეესაბამებოდეს.
2. ფიქსაცია — უნიტაზი მყარად უნდა დამაგრდეს იატაკზე ან კედელზე.
3. ჩარეცხვა — შეამოწმეთ, სწორად მუშაობს თუ არა ავზი და ჩარეცხვის სისტემა.
4. საწმენდი საშუალებები — მოერიდეთ ქიმიკატებს, რომლებიც კერამიკას, ქრომირებულ და უჟანგავ დეტალებს აზიანებს.

VitrA-ს პროდუქცია ინოვაციურია და პროფესიონალურ მონტაჟს საჭიროებს, ამიტომ ჩვენი სერვისის თანამშრომლები მუდმივად გადიან გადამზადებას; მონტაჟის სერვისი ფასიანია. კერამიკაზე მწარმოებლის გარანტია 10 წელია, ხოლო გარანტიით სარგებლობისთვის ჩეკისა და ყუთის შენახვა საჭირო არ არის — შენაძენი ავტომატურად ფიქსირდება ბაზაში.